#central-government
एआय कायद्यासाठी सल्लामसलत सुरू करणार; वैष्णव यांची घोषणा
आर्टिफिशियल इंटेलिजन्सबाबत कायदा तयार करण्यासाठी केंद्र सरकार पुढील काही आठवड्यांत सल्लामसलत प्रक्रिया सुरू करणार असल्याचे केंद्रीय मंत्री अश्विनी वैष्णव यांनी शुक्रवारी सांगितले. एआय एजंट्स सँडबॉक्समधून बाहेर पडल्याच्या घटनांकडे लक्ष वेधून केंद्राला एआयवर अधिक नियंत्रणाची गरज आहे, असे आयटी सचिव कृष्णन म्हणाले.
१ जानेवारीपासून सिमशिवाय व्हॉट्सॲप, टेलिग्राम चालणार नाही; केंद्राची नवी मार्गदर्शक तत्त्वे
१ जानेवारीपासून व्हॉट्सॲप आणि टेलिग्रामसारख्या संदेशवहन ॲप्स सिम कार्डशिवाय चालणार नाहीत, अशी मार्गदर्शक तत्त्वे केंद्र सरकारने जारी केली आहेत. सीमापार सायबर फसवणूक, फिशिंग आणि डिजिटल अरेस्ट घोटाळे रोखण्यासाठी हे पाऊल उचलल्याचे सरकारचे म्हणणे आहे.
१३७ कर्करोगविरोधी औषधांच्या भाववाढीवर ३० टक्के मर्यादा; काही औषधे ७० टक्क्यांपर्यंत स्वस्त
केंद्र सरकारने १३७ कर्करोगविरोधी औषधांच्या व्यापारी मार्जिनवर ३० टक्के मर्यादा घातली आहे. नवीन भाव ९ नोव्हेंबर २०२६पासून लागू होतील असून काही औषधांचे कमाल किरकोळ मूल्य ७० टक्क्यांपर्यंत घटू शकते.
दोन मोठी विमानतळे खाजगी कंपन्यांकडे? दीर्घकालीन भाडेपट्ट्याचा विचार
चेन्नई व कोलकाता विमानतळे सार्वजनिक-खाजगी भागीदारी (पीपीपी) अंतर्गत दीर्घकालीन भाडेपट्ट्यावर खाजगी कंपन्यांकडे देण्याचा केंद्र सरकार विचार करत आहे. सेवा व पायाभूत सुविधा आंतरराष्ट्रीय दर्जाच्या करण्यासाठी हे पाऊल उचलल्याचे सांगितले जात आहे.