#ncb
औषध दुकानदाराकडून 25 लाखांची मागणी; एनसीबीच्या दोन उपनिरीक्षकांना सीबीआयकडून अटक
उत्तर प्रदेशातील शाहजहानपूर येथील औषध दुकानदाराकडून 25 लाख रुपयांची लाच मागितल्याप्रकरणी सीबीआयने नार्कोटिक्स कंट्रोल ब्युरोच्या दोन उपनिरीक्षकांना अटक केली आहे. अजित सिंग मीना आणि सुमित कुमार अशी त्यांची नावे आहेत. शनिवारी दिल्लीत सापळा रचण्यात आला. रविवारी सीबीआयने दोन दिवसांची पोलीस कोठडी मागितली.
ऑपरेशन ट्रायडंट: तीन राज्यांत 38 छापे, 18 जण ताब्यात; 1,424 बँक खाती गोठवली
23 ऑक्टोबरला आसाम, मिझोरम आणि मणिपूरमधील 38 ठिकाणांवर 38 पथकांनी छापे मारले, 18 जणांना ताब्यात घेतले आणि 1,424 बँक खाती गोठवली, अशी माहिती केंद्रीय गृहमंत्री अमित शाह यांनी रविवारी दिली. या कारवाईत सुमारे 100 कोटी रुपयांचे हवाला व्यवहार उघडकीस आले असून 17.82 कोटी रुपयांची मालमत्ता जप्त केल्याचे सरकारने सांगितले. जाळे भारत-म्यानमार-बांगलादेश कॉरिडोअरमधून अंमली पदार्थ पोहोचवत होते, असे शाह यांनी म्हटले.