टॅग
महाराष्ट्राच्या समृद्ध लोककलेचा वारसा जतन करत आपल्या नजाकतदार नृत्यकौशल्याने आणि समर्थ अभिनयाने रुपेरी पडदा गाजवणाऱ्या ज्येष्ठ अभिनेत्री मधू कांबीकर यांच्या निधनाने मराठी कलाविश्वाची मोठी हानी झाली आहे. पारंपरिक लावणीला प्रतिष्ठा, दिमाख आणि नवी ओळख मिळवून देणाऱ्या या ज्येष्ठ कलावंताच्या जाण्याने संपूर्ण महाराष्ट्रात हळहळ व्यक्त होत असून, मुख्यमंत्री देवेंद्र फडणवीस आणि सांस्कृतिक कार्य मंत्री ॲड. आशिष शेलार यांनी त्यांना भावपूर्ण श्रद्धांजली अर्पण केली आहे.